Rossiyalik rejissyor Pavel Talankinning “Janob Hech Kim Putinga Qarshi” (“Mr. Nobody Against Putin”2025) hujjatli filmi uchun qo‘lga kiritgan “Oskar” mukofoti bilan bog‘liq voqea ijobiy yakun topdi . Yo‘qolib qolgan haykalcha yana topildi.
Ma’lumotlarga ko‘ra film rejissyori Pavel Talankin (filmni amerikalik hamkor rejissyor Devid Borenshteyn bilan birga suratga olgan) Nyu-Yorkdagi “Jon F. Kennedi” aeroportidan Frankfurtga uchmoqchi bo‘lgan paytda, xavfsizlik xodimlari tomonidan “Oskar” haykalchasini samolyot bortiga olib kirishga ruxsat berilmagan.
Shundan so‘ng mukofot vaqtincha yo‘qolib qolgani ma’lum bo‘lib, bu holat jamoatchilik e’tiborini tortdi. Oradan ko‘p o‘tmay, haykalcha topilgani tasdiqlandi.
Mazkur holat xalqaro aeroportlarda xavfsizlik tartiblari va qimmatbaho buyumlarni tashish bilan bog‘liq qoidalar yana bir bor muhim ekanini ko‘rsatdi.
