U Spotify platformasida oylik tinglovchilar soni bo‘yicha shaxsiy rekordiga erishdi. Xonandaning oylik tinglovchilari soni 139 milliondan oshdi. Bu keskin o‘sish Coachella festivalidagi chiqishidan keyin yuz berdi. Ushbu chiqish muxlislar orasida nostalgiya uyg‘otib, nafaqat yangi, balki eski qo‘shiqlariga ham qiziqishni oshirdi. Eng ko‘p tinglangan qo‘shiqlar qatoriga 2010-yillarda chiqqan “Beauty and a Beat”, “Confident” va “Eenie Meenie” kirgan. Bundan tashqari, 2021-yilda chiqarilgan “Justice” albomi ham yana mashhurlikka erisha boshladi.
Eslatib o‘tamiz, Coachella’dagi chiqishidan olingan videolar ijtimoiy tarmoqlarda tezda tarqalib ketdi va Jastin Biber festivalning eng ko‘p muhokama qilingan yulduzlaridan biriga aylandi. Shuningdek, u “Less Lonely Girl” qo‘shig‘ini o‘zining uzoq yillik muxlisi Billi Aylish ga bag‘ishladi.
