Jennifer Lopesning sobiq turmush o‘rtog‘i Ohani Noa reper Pi Diddiga nisbatan jiddiy ayblov bilan chiqdi.
The Sun nashriga bergan intervyusida Noaning aytishicha, u Jennifer Lopes bilan ajrashganidan keyin ham ular do‘stona munosabatlarni saqlab qolgan va yarashishni rejalashtirgan. Aynan shu davrda Lopes Pi Diddi bilan ishqiy munosabatda bo‘lgan. Noaning ta’kidlashicha, xonanda keyinchalik bu munosabatlarni yakunlashga uringan, biroq reper uni ta’qib va tahdid qilib, bosim o‘tkazgan.
Noaning so‘zlariga ko‘ra, mojaro Los-Anjelesdagi tadbirlarning birida boshlangan. Oradan ko‘p o‘tmay, Pi Diddi Jennifer Lopesning uyi oldiga kelib janjal chiqargan. Voqea qo‘shnilar politsiyani chaqirgach yakunlangan.
Eslatib o‘tamiz, Pi Diddi 2024-yilda jinsiy zo‘ravonlik bilan bog‘liq qator ayblovlardan so‘ng hibsga olingan. 2025-yilda esa yo‘lovchilarni noqonuniy tashish bilan bog‘liq ikki epizod bo‘yicha 50 oyga ozodlikdan mahrum etilgan.
