Odatda ilmiy-fantastik va murakkab syujetli filmlari bilan tanilgan rejissyor Kristofer Nolan nega romantik komediya janriga qo‘l urmasligini ma’lum qildi.
Rejissyor Jimmi Fellonning The Tonight Show Starring ko‘rsatuvida bergan intervyusida turli janrlarda ishlashni yoqtirishini aytdi. Uning so‘zlariga ko‘ra, aynan shu qiziqish uni ilmiy-fantastik filmlardan keyin tarixiy epik film “Odisseya”ni suratga olishga undagan. Biroq, Nolan romantik komediyani kinodagi eng murakkab janrlardan biri deb hisoblaydi.
Uning aytishicha, tomoshabin sifatida bunday filmlarni yaxshi ko‘rsa-da, rejissyor sifatida odamlarni kuldira olish mas’uliyati uni qo‘rqitadi. Dramada yoki murakkab filmlarda “siz filmni tushunmadingiz” deyish mumkin, ammo komediyada bunday yo‘l yo‘q, shu bois romantik komediya suratga olishni rejissyor murakkab deb hisoblaydi.
