Kino olamida eng kutilayotgan davomiy filmlardan biri “Qattiqqo‘l xonim 2” yana bir bor muhokamalar markazida. Film hali premyeraga chiqmasidan oldin ham, uning ichidagi o‘zgarishlar muxlislar orasida katta qiziqish uyg‘otmoqda.
Eng ko‘p gapirilayotgan yangiliklardan biri mashhur jurnalist Anna Vintur ishtirok etgan sahnaning yakuniy qismdan olib tashlangani bo‘ldi. Ma’lumotlarga ko‘ra, u filmda qisqa, hazilomuz epizodda ko‘rinish bergan, ammo montaj jarayonida bu sahna chiqarib tashlangan. Shunga qaramay, ushbu kadrlar bonus material sifatida chiqish ehtimoli bor.
Shuningdek, Konrad Rikamora ijro etgan qo‘shni obrazi ham test namoyishlardan so‘ng bekor qilingan. Tomoshabinlar bu personaj syujetga unchalik mos kelmaganini bildirgan. Shunga qaramay film atrofidagi qiziqish pasaymadi. Aksincha, har bir o‘zgartirish muxlislar orasida yanada ko‘proq muhokama uyg‘otmoqda.
Eslatib o‘tamiz, film premyerasi 1-mayga rejalashtirilgan bo‘lib, promokampaniya doirasida Enn Xeteuey va Meril Strip ishtirokidagi tadbirlar allaqachon boshlanib ketgan.
