Meril Strip hozirda suratga olinayotgan kinolarda superqahramon hikoyasi ko‘p uchrayotgani, bu esa murakkab va o‘ziga xos xarakterli obrazlarning kamayib ketishiga sabab bo‘lishi haqida gapirdi.
Mashhur aktrisa “Qattiqqo‘l xonim 2” filmi taqdimoti davomida Enn Xeteuey va Emili Blant bilan “Hits Radio Breakfast Show” ga bergan intervyusida bugungi kinolarda ko‘pincha aniq “yaxshi” va “yomon” qahramonlar ajratilishini tanqid qildi. Strip xonim buni Marvel uslubiga o‘xshatib, bunday filmlar tomoshabinlar uchun zerikarli bo‘lib qolayotganini ta’kidladi.
“Menimcha, hozirda ko‘plab filmlarni Marvel uslubiga aylantiryapmiz. Yovuzlar bor, qahramonlar bor va bu juda zerikarli,”- dedi u.
Stripning fikricha, eng qiziqarli hikoyalar oson tasniflab bo‘lmaydigan, murakkab va hayotiy xarakterlar orqali yaratiladi.
