Tom Holland bosh rolni ijro etgan “O‘rgimchak odam: Yangi kun” (“Spider-Man: Brand New Day”) filmi prokatni rekord natija bilan boshladi. Film ilk namoyishlar davomida 72 million dollar yig‘ib, shu paytgacha ushbu ko‘rsatkich bo‘yicha yetakchi bo‘lgan “Qasoskorlar: Intiho” rekordini ortda qoldirdi.
Avvalgi rekord 60 million dollar bilan “Qasoskorlar: Intiho” filmiga tegishli edi. Endi esa “O‘rgimchak odam: Yangi kun” tarixdagi eng katta preview (ilk namoyish) daromadini qayd etgan filmga aylandi.
Mutaxassislar film ilk dam olish kunlarida 260-280 million dollar ishlab topishini taxmin qilmoqda. Ayrim prognozlarga ko‘ra, bu ko‘rsatkich 300 million dollardan ham oshishi mumkin.
Film voqealari “O‘rgimchak odam: Uyga yo‘l yo‘q” filmidan to‘rt yil o‘tib sodir bo‘ladi. Butun dunyo Piter Parkerning O‘rgimchak odam ekanini unutgan, u esa sevgilisi MJ va eng yaqin do‘sti Nedsiz bilan yolg‘iz qoladi. Bu safar unga Seydi Sink gavdalantirgan sirli yangi yovuz qahramon qarshi chiqadi.
