K-pop guruhining a’zosi Bain o‘zini “LGBT vakili bo‘lishdan faxrlanaman” deb tan oldi.
Bu san’atda kam uchraydigan holat, chunki bu sohada san’atkorlarning xulq-atvori ustidan qat’iy nazorat bor va yulduzlar odatda shaxsiy hayotlarining, ayniqsa munosabatlarining tafsilotlarini sir saqlaydilar. Bain esa o‘zini ommaga oshkor qilishga qaror qilgan.
Bainning bu e’loniga muxlislar ijtimoiy tarmoqlardagi izohlari bilan javob berishdi, masalan: “Seni juda yaxshi ko‘raman. Sening muxlising bo‘lganimdan faxrlanaman. O‘zingni kim ekanliging bilan faxrlan.”
Janubiy Koreyada o‘z jinsiy orientatsiyasini ochiq aytish juda ham kam uchraydigan holat hisoblanadi. Besoqolbozlik mamlakatda noqonuniy bo‘lmasa ham u hali ham odatiy holat emas va bir jinsli nikoh qonuniy ravishda tan olinmaydi.
2022-yilgi Inson Huquqlari Xalqaro Tashkiloti hisobotida Janubiy Koreyada LGBT shaxslariga qarshi diskriminatsiya keng tarqalganligi ta’kidlangan.
