Mashhur dizayner Jon Galyano ijodiga bag‘ishlanishi rejalashtirilgan Met Gala 2027 ko‘rgazmasini o‘tkazmaslikka qaror qildi. Dizayner bu haqdagi bayonotini ijtimoiy tarmoqdagi sahifasida e’lon qildi.
31-iyul kuni 2027-yilgi ko‘rgazma mavzusi “John Galliano: Horizons” (“Jon Galyano: Ufq”) deb nomlangani ma’lum qilingan edi. Biroq loyiha e’lon qilinganidan ko‘p o‘tmay, dizaynerning o‘tmishdagi bayonotlari sabab jamoatchilikning keskin noroziligiga duch keldi. Mojaro ortidan Met Gala’ning an’anaviy o‘tkazilish sanasini o‘zgartirish ehtimoli ham muhokama qilingan edi.
“Uzoq o‘ylab, barcha ishtirokchilar bilan fikr almashganimdan so‘ng, katta afsus bilan ko‘rgazma o‘tkazilmagani ma’qul degan qarorga keldim”, — deb yozdi Galyano.
Shuningdek, dizayner Metropolitan muzeyini qiyin vaziyatga qo‘yishni istamasligini va o‘tmishda bildirgan ayrim fikrlari uchun pushaymonligini ta’kidladi. Shu bilan birga, unga bunday imkoniyat berilgani va ijodiy faoliyati e’tirof etilganidan minnatdor ekanini bildirdi.
