Rejissyor Jeyms Kemeron “Avatar” franshizasining yangi qismlarini tezroq va kam xarajat bilan suratga olishni rejalashtirmoqda. Bu haqda Variety nashri xabar berdi.
Kemeron “The Empire Film Podcast”ga bergan intervyusida hozirda “Avatar 4” va “Avatar 5” ssenariylari ustida ishlayotganini ma’lum qilgan. Shuningdek, rejissyor filmni ishlab chiqarish jarayoni juda ko‘p vaqt va katta budjet talab qilayotgani bois, suratga olish muddatini ikki baravarga qisqartirish va xarajatlarni sezilarli darajada kamaytirish kerakligini ta’kidlagan. U film studyasini qurish uchun taxminan bir yil vaqt ketishi mumkinligini qo‘shimcha qilgan.
Avvalroq Kemeron “Avatar” hikoyasi davom etishi yoki yakunlanishi studiya qaroriga bog‘liqligini aytgan edi. Agar loyiha yakunlansa, u “Avatar 4” va “Avatar 5” bo‘yicha barcha rejalarini oshkor qilishga tayyorligini bildirgan.
Bugungi kunda “Avatar” franshizasining keyingi qismlari kino muxlislari orasida katta qiziqish uyg‘otmoqda.
