Ilon Mask Oskar mukofotining yangi kiritilgan talablarini keskin tanqid qildi. U Kristofer Nolan suratga olayotgan “Odissey” filmi Akademiyaning yangi talablariga moslashish uchun o’zgartirilayapti deb hisoblamoqda.
Ammo, Maskning tanqidlari assosiz bo‘lishi mumkin. Chunki Akademiyaning yangi “Vakillik va inklyuzivlik” talablari tarixdagi barcha “Eng yaxshi film” nominatsiyasi g‘oliblariga mos keladi. Hatto, Nolan oldin suratga olgan “Oppengeymer” ham ushbu talablarga to‘laqonli mos kelgan.
Ko‘pchilik tomonidan tanqid qilinayotgan qoidalar aslida filmlarni majburan o‘zgartirishga emas, balki kino sanoatida turli qatlam vakillarining ishtirokini kengaytirishga qaratilgan.
Eslatib o’tamiz, “Oskar” mukofotining yangi standartlari 2020-yil e’lon qilingan va 2024-yildan boshlab “Eng yaxshi film” nominatsiyasi uchun majburiy talabga aylangan. Unga ko‘ra, bosh yoki ikkinchi darajali rollarning kamida 30% ini ayollar yoki nogironligi bo‘lgan insonlarni qamrab olishi, filmning asosiy mavzusi etnik guruhlar, ayollar yoki imkoniyati cheklangan insonlar hayotiga bag‘ishlanishi kerak.
Bundan tashqari, mukofotning yangi talablari ijodiy jamoa va rahbariyat, kino saoatdagi imkoniyatlar va tomoshabinlarni jalb qilish bilan bog‘liq o‘zgarishlarni o‘z ichiga olgan.
