Rejissyor Kantemir Balagov o‘zining yangi “Kapalaklar murabbosi” nomli filmini taqdim etdi. Filmda afsonaviy italiyalik aktrisa Monika Belluchchi ham rol ijro etdi.
Ma’lum qilinishicha, aktrisa epizodik rol ijro etib, suratga olishning so’ngi kunida ko’rinish bergan. Suratga olish ishlari Sen-Pol-syur-Mer shahridagi Prijan bog‘ida bo‘lib o‘tgan.
7-aprel kuni Kantemir Balagov ijtimoiy tarmoqlarda ushbu loyiha suratga olish ishlari boshlanganini ma’lum qilgan edi. Aktyorlar tarkibidan Barri Keogan, Rayli Kio va Garri Melling ham o’rin olgan. Syujetga ko‘ra, voqealar markazida adigey taomlari tayyorlanadigan oilaviy restoran, ota va o‘g‘il o‘rtasidagi murakkab munosabatlar hamda o‘smirning restling yulduziga aylanish orzusi turadi. Kartina 2026-yilgi Kann kinofestivalining “Rejissyorlar ikki haftaligi” dasturiga kiritildi.
Mazkur film Balagov uchun alohida bosqich hisoblanadi. Chunki bu uning ilk yirik ingliz tilidagi loyihasi bo‘lib, allaqachon xalqaro kino jamoatchiligi e’tiborini tortishga ulgurgan.
