“Eyforiya” serialining 3-mavsumi final qismi katta rekord bilan tarixga kirishi kutilmoqda. Just Jared sayti ma’lumotiga ko‘ra, HBO platformasida namoyish etiladigan filmning yakuniy, 8-epizodi 93 daqiqa davom etadi. Bu nafaqat serial tarixidagi, balki HBO platformasi uchun ham eng uzun epizod hisoblanadi. Avvalgi rekordni “Taxtlar o‘yini” serialining 82 daqiqalik final qismi o‘rnatgan edi.
Ma’lumot uchun, avvalgi epizodlar odatda qisqaroq bo‘lgan. Eng uzun qismi ham 65 daqiqadan oshmagan edi. Shu sababli, bunday final 3-mavsumning so‘nggi qismi bo‘lishi mumkinligi haqidagi taxminlarni kuchaytirmoqda.
Muxlislar tomonidan eng ko‘p muhokama qilinayotgani Ru obrazining taqdiri. Ba’zi tomoshabinlar serial boshidan Ru’ning o‘tmishi tasvirlanayotganini aytib, final fojiali yakun bilan tugashi mumkin deb hisoblashmoqda.
Final epizod 31-may kuni namoyish etilishi rejalashtirilgan.
