“Odisseya” filmi rejissyori Kristofer Nolan Time nashriga bergan intervyusida yangi “Odisseya” filmi uchun Trevis Skottni tanlaganiga izoh berdi. Uning aytishicha, Trevis Skott filmda “Bard” – ya’ni qadimiy qo‘shiqchi-hikoyachi rolini ijro etadi. Nolan bu orqali hikoyaning asl mohiyati ya’ni, qadimiy adabiyot va zamonaviy musiqa o‘rtasidagi bog‘liqlikni ochib berishni maqsad qilgan. Ushbu yondashuv filmga yangicha ruh berishi kutilmoqda.
Ma’lumot uchun, Kartinada Zendaya, Tom Xolland, Sharliz Teron, Mett Deymon, Enn Xeteuey va Robert Pattinson kabi mashhur aktyorlar rol ijro etgan. Avvalroq filmning ilk treyleri AFC chempionati o‘yini vaqtida namoyish etilgan edi. Unda Trevis Skottning paydo bo‘lishi muxlislar orasida katta muhokamalarga sabab bo‘ldi.
Film premyerasi joriy yilning 17-iyulga rejalashtirilgan.
