Kampaniya taniqli suratkash Itan Jeyms Grin tomonidan Parijning Gare du Nord vokzalida tasvirga olingan. Suratlarda Emma Stoun va koreyalik model Chon Hoyon yangi “Express” sumkasi bilan ko‘rinish berishgan. Ushbu sumka — brendning 1930-yillardagi Speedy modelidan ilhomlanib, zamonaviy ruhda qayta ishlangan.
“Oskar” sovrindori, iste’dodli aktrisa Emma Stoun endilikda Louis Vuitton brendining global elchisi sifatida e’tirof etildi. U brendning 2025-yil kuz-qish kolleksiyasi uchun suratga olingan kampaniyada bosh qahramon sifatida ishtirok etmoqda.
Emma Stoun aslida Louis Vuitton bilan 2017-yildan beri hamkorlik qilib kelmoqda. U ilgari ham “Capucines”, “Dauphine” va “New Classics” kolleksiyalarida ishtirok etgan. Brend ijodiy direktori Nikolya Jeskiyer uni “kino go‘zalligi va kuchli obraz yaratish qobiliyati” uchun tanlagan.
“Express” — bu grained charm va velvet charm kombinatsiyasidagi nafis aksessuar bo‘lib, oltin tonli fermuar va qulf bilan bezatilgan. Ushbu model 25-iyuldan boshlab oldindan buyurtmaga ochiladi va 1-avgustdan boshlab global savdoga chiqariladi.
Bu hamkorlik modaning nafisligi bilan kinoning hissiy dunyosini uyg‘unlashtirgan noyob ijodiy loyiha desak adashmaymiz.
