Amazon MGM studiyasi “Tomas Kraun hiylasi” (The Thomas Crown Affair) filmining remeyki uchun ilk treylerni taqdim etdi. Filmda bosh rolni Maykl B. Jordan ijro etgan va u loyiha rejissyori sifatida ham ishlagan.
Syujetga ko‘ra, millioner Tomas Kraun Nyu-Yorkdagi Metropoliten muzeyidan qimmatbaho kartinani o‘g‘irlaydi. Tergovga shveysariyalik tergovchi jalb qilinadi. U Kraunni asosiy gumondor deb biladi. Biroq, vaqt o‘tishi bilan unga oshiq bo‘lib qoladi.
Shuningdek, filmda Adria Arjona, Lili Gladstoun, Kennet Brana, Danay Gurira va Obri Plaza ham rol ijro etgan.
Ma’lumot uchun, “Tomas Kraun hiylasi” filmining asl talqini 1968-yilda suratga olingan va “Oskar” hamda “Oltin globus” mukofotlarini qo‘lga kiritgan. 1999-yilda esa uning ilk remeyki ekranlarga chiqqan.
Yangi remeyk AQSH kinoteatrlarida 2027-yil 5-mart kuni namoyish etilishi rejalashtirilgan.
