Britni Spirs mast holda mashina haydagani uchun javobgarlikka tortilganidan so‘ng o‘g‘illari bilan yana birlashdi.
44 yoshli xonanda yaxtada ikki o‘g‘li: 20 yoshli Shon Preston Federlayn va 19 yoshli Jeyden James Federlayn bilan dam olishdi.
Gollivud yulduzi Kevin Federlayndan bo‘lgan o‘g‘illari bilan munosabatlarini tikladi. Sud qaroriga ko‘ra ular otasi bilan ulg‘aygan. Shon va Jeyden umrining katta qismini Gavayida o‘tkazgan. Ammo yaqinda ular Britniga yaqinroq bo‘lish uchun Los-Anjelesga ko‘chib kelishdi.
Shon o‘tgan yildan beri onasi bilan muloqot qilmagan. Jeyden esa u bilan Rojdestvo bayramida uchrashgan. U mart o‘rtalarida ham Britni bilan ko‘rishgan — aynan u mast holda mashina haydagani uchun hibsga olinganidan keyin. Ushbu voqeadan so‘ng Spirs spirtli ichimlik iste’mol qilmayapti va Los-Anjelesda anonim alkogoliklar yig‘ilishlariga muntazam qatnashmoqda.
Insayderga ko‘ra, “Britni anonim alkogoliklar yig‘ilishlarida juda ochiq va samimiy bo‘ldi. U ichidagini to‘kib solish unga yordam berishini va o‘zini yaxshiroq his qilishining eng yaxshi yo‘li ekanini aytdi. U juda ehtiyotkor, chunki farzandlari yonida bo‘lishni istaydi. U yana birga bo‘lganidan juda xursand. Bu uning yuragini davolayapti. U o‘g‘illarini juda yaxshi ko‘radi”, — deyiladi.
