2005-yil may oyida Bred Pitt endi yolg‘izlikka ko‘nikayotgan paytda, u “Chateau Marmont” mehmonxonasining paparatsilardan himoyalangan xonasida dam olgan edi. Aynan shu joyda 1980-yillarda Jon Belushi hayotdan ko‘z yumgan.
Jennifer Eniston bilan ajralishi mamlakat bo‘ylab katta shov-shuvga sabab bo‘lgan. Birga rol o‘ynagan partnyori Anjelina Joli bilan munosabatlari haqidagi mish-mishlar Gollivudni larzaga solgan edi.Oradan 20 yil o‘tib Bred Pitt va Anjelina Jolining farzandlikka olgan o‘g‘li Paks endi o‘sha mashhur mehmonxonaning gotik uslubidagi devorlari orasida panoh topdi.
Paks, Joli va Pittning birinchi asrab olingan farzandi bo‘lib, 2007-yilda Vyetnamdan olib kelingan. Bred Pitt yaqinda Paks bilan barcha aloqalarini uzganini bildirgan. Shuningdek, Paksning singlisi Shaylo ham yaqinda otasining familiyasini rasmiy ravishda olib tashlagan edi.
