So‘nggi ma’lumotlarga ko‘ra, Bruklin Bekxem mashhur oilasiga endi ular bilan “hech qanday aloqa qilishni xohlamasligini” aytgan, bu esa allaqachon darz ketgan oilaviy munosabatlarni yanada chuqurlashtirgan.
Kelajakda oshpaz bo‘lishni orzu qilayotgan Bruklin va uning rafiqasi, milliarder merosxo‘r Nikola Peltz, ota-onasi Devid va Viktoriya Bekxem bilan yuzaga kelgan ziddiyatlar girdobida qolgan. Devid va Viktoriya esa Nikola o‘g‘illariga haddan tashqari ta’sir ko‘rsatayotgani bildirishgan.
“Page Six” nashriga ko‘ra, manbalardan biri shunday degan: “Bruklin oilasi bilan hech qanday aloqada bo‘lishni xohlamasligini aytdi va u bilan bog‘lanishga harakat qilayotganlarga javob bermayapti.”
Nashrning yozishicha, Bruklin otasi Devidga ritsarlik unvoni berilgani haqida hech qanday shaxsiy xabarnoma olmagan — bu xabarni u hamma singari ommaviy axborot vositalari orqali bilgan.
