“Ajdarho uyi” (House of the Dragon) serialining uchinchi mavsumi ikkinchi qismi tomoshabinlar orasida katta shov-shuvga sabab bo‘ldi. “Qirol bandargohi” (King’s Landing) deb nomlangan epizod IMDb portalida 9,5/10 baho olib, serial tarixidagi eng yuqori reytingni qayd etdi. Yangi qismda siyosiy intriga, poytaxtning egallanishi va kutilmagan qatl sahnalari voqealarni yanada keskinlashtirgan. Aynan shu burilishlari tomoshabinlar tomonidan yuqori baholanib, ijtimoiy tarmoqlarda keng muhokamalarga sabab bo‘ldi. Epizod voqealari Reynira Targaryenning o‘g‘li Jeykerisning o‘limidan keyingi og‘ir ruhiy holati bilan boshlanadi. Keyinchalik Deymonning Harrenxoldan qaytishi voqealar rivojiga katta ta’sir ko‘rsatadi. Uning so‘zlaridan ilhomlangan Reynira Qirol bandargohiga yurish qilib, Temir taxtni egallaydi va “Yashillar”ning muhim ittifoqchilariga qarshi keskin choralar ko‘radi.
Tomoshabinlar va tanqidchilar Reynira rolini ijro etgan Emma d’Arsi hamda Alisent rolidagi Oliviya Kukning aktyorlik mahoratini alohida e’tirof etmoqda.
Ma’lumot o‘rnida, “Ajdarlar uyi”ning uchinchi mavsumi 21-iyun kuni HBO platformasida namoyish etila boshlagan. Serial voqealari “Taxtlar o‘yini”dagi hodisalardan qariyb 200 yil oldin sodir bo‘lib, Jorj R. R. Martinning “Olov va qon” asari asosida suratga olingan.
