Universal Pictures studiyasi Illumination tomonidan suratga olingan yangi “Not Alone” animatsion filmining ilk tizer-treylerini taqdim etdi. Multfilmning premyerasi 2027-yil 16-aprel kuni bo‘lib o‘tadi. Filmning bosh qahramonlariga mashhur aktyor Timoti Shalame va xonanda-aktrisa Selena Gomes ovoz bergan.
Avvalroq insayderlar “Yolg‘iz emas” Pixar’ning mashhur “Up” kartinasi ruhidagi romantik komediya bo‘lishini ma’lum qilgandi. Shuningdek, filmning ilk tizeri “Minionlar va maxluqlar” namoyishlari oldidan tomoshabinlarga taqdim etilishi rejalashtirilgan.
