Uill Smit ikki yillik tanaffusdan so‘ng yana suratga olish maydoniga qaytdi. 57 yoshli aktyor Avstraliyaning Sidney shahrida “Supermax” nomli yangi jangovar triller ustida ishlamoqda.
Film voqealari dunyodagi eng qattiq qo‘riqlanadigan qamoqxonalardan birida sodir bo‘lgan qotillikni tergov qilayotgan ikki FQB agenti haqida hikoya qiladi. Smit filmda Reks ismli bosh qahramonni gavdalantiradi.
Loyihada AnnaSofiya Robb va Maykl Jeksonning jiyani Jafar Jekson ham rol ijro etadi. Film rejissyori esa Devid Gordon Grin.
Uill Smit so‘nggi bor katta ekranda 2024-yil may oyida premyerasi bo‘lgan “Bad Boys: Ride or Die” (“Yomon yigitlar: oxirigacha”) filmida ko‘ringan. Martin Lourens bilan birga suratga tushgan ushbu film Shimoliy Amerikada 193,5 million dollar daromad keltirgan.
“Supermax” aktyorning “Yomon bolalar” franshizasining to‘rtinchi qismidan keyingi ilk kino loyihasi bo‘ladi.
