“Uensdey” serialining bosh qahramoni Jenna Ortega, fransuz rejissyori Leo Karaksning yangi “Lili Mey Bi” deb, nomlangan filmida bosh rolni ijro etadi. Bu haqda Variety nashri xabar berdi. Filmni suratga olish ishlari 2027-yilning bahorida boshlanishi rejalashtirilgan.
Film syujeti haqida hozircha ko‘p ma’lumotlar berilmagan. Film hikoyasi markazida, o‘zida sirlarni yashirgan uch qahramon turadi. Ushbu uch qahramon o‘zligni topish yashash mumkin bo‘lgan joylarni izlab olis yo‘lga chiqishadi. Loyiha allaqachon Kann kinobozorining asosiy yangiliklari qatorida joy olgan.
Mazkur film Karaksning yettinchi to‘liq metrajli ishi bo‘lib, uning “Annett” filmidan keyingi ilk yirik loyihasi hisoblanadi. Eslatib o‘tamiz, rejissyor 2021-yil Kann kinofestivalida “Annett” filmi uchun “Eng yaxshi rejissyor” mukofotini olgan.
Ma’lumot uchun, Jenna Ortega esa “Uensdey” serialidagi roli uchun “Oltin globus” va “Emmi” mukofotlariga nomzod bo‘lgan.
