2016-yilda suratga olingan hujjatli film “Sea Tomorrow” (“Ertanggi dengiz) endi Netflix tomoshabinlariga taqdim etildi. Bu – Qozogʻiston kinosi uchun tarixiy voqea bo‘lib, mamlakat ijodkorlari ilk bor dunyoning eng yirik platformalaridan birida oʻz asarini namoyish qilmoqda.
Film rejissyori – Katerina Suvorova. Asarda Orol dengizi fojeasi va uning oqibatlari haqida hikoya qilinadi. Unda dengiz qurib borishi sabab hayoti oʻzgargan odamlar, ularning umid va kurashlari, ekologik falokatning insoniyat taqdiriga ta’siri chuqur yoritilgan.
“Sea Tomorrow” faqatgina Orolning ekologik muammolarini emas, balki global iqlim muammolari va insoniyatning tabiat oldidagi mas’uliyatini ham ko‘rsatadi. Shu orqali u nafaqat Qozogʻistonda, balki butun dunyo tomoshabinlarini o‘ylantirishga qaratilgan.
