Dunyo kinosining afsonasi, aktyor, rejissyor va jang san’ati ustasi Jeki Chan 23-sentabr kuni Olmaotaga keldi. Uning kelishi haqidagi xabar ijtimoiy tarmoqlarda katta qiziqish uyg‘otib, qisqa vaqt ichida keng muhokama qilina boshladi.
71 yoshli aktyor Olmaota aeroportida muxlislar va jurnalistlar tomonidan qarshi olindi.
Bu bo‘yicha rasmiy ma’lumotlar hozircha e’lon qilinmagan. Biroq ijtimoiy tarmoqlarda yangi kino yoki qo‘shma loyiha uchun Salem Entertainment kompaniyasi bilan hamkorlik qilmoqda yoki “Kayrat” va “Real Madrid” o‘yiniga maxsus mehmon sifatida tashrif buyurdi kabi bir nechta taxminlar bor.
Jeki Chan ijtimoiy tarmoqda “Biz Olmota joylashuvini ko‘rish uchun bordik. Ajoyib mehmondo‘stlik uchun “Salem Entertaintmentga Rahmat” deb yozib qoldirgan. Ammo, tashrifning aniq maqsadi noma’lumligicha qolmoqda.
