Gollivud aktyori Jim Kerri uzoq yillik sevgilisi Min Xa bilan turmush qurgani aytilmoqda. Bu haqda People nashri juftlikka yaqin manbalarga tayanib xabar berdi.
Ma’lumotlarga ko‘ra, to‘y marosimi yopiq tarzda, ommaviy axborot vositalari va paparatsilarsiz o‘tkazilgan. Aktyor shaxsiy hayotini jamoatchilikdan yiroqda saqlashi bilan tanilgan.
Kerri va Min Xaning munosabatlari bir necha yil davomida omma e’tiboridan chetda bo‘lgan. Aktyor 2026-yil fevral oyida Fransiyada “Sezar” faxriy mukofotini qabul qilish chog‘ida ilk bor sevgilisi haqida ochiq gapirgan. U o‘z nutqida Min Xaga qo‘llab-quvvatlovi va muhabbati uchun minnatdorlik bildirgan.
Hozircha juftlikning to‘y marosimi yoki asal oyiga oid qo‘shimcha tafsilotlar ma’lum qilinmagan.
