Aktrisa Gulmira Muhammedova qizi Shahzoda Muhammedova bilan ayrim masalalarda fikrlari tez-tez to‘qnash kelishini aytdi. Uning so‘zlariga ko‘ra, bunga ularning har ikkisi ham mukammallikni yoqtirishi va hayotga turlicha qarashi sabab bo‘ladi. Aktrisa bu haqida My5 telekaalidagi Omon-omon dasturiga bergan intervyusida aytib oʻtgan.
Muhammedova qizining san’atga kirib kelishida o‘zi katta rol o‘ynaganini ta’kidladi. Avvallari Shahzodaning eng qattiq tanqidchisi o‘zi bo‘lgan bo‘lsa, bugun vaziyat o‘zgargan. “Qizimni kino olamiga men olib kirganman. Hozir esa u mening tanqidchimga aylangan. Qo‘shiq aytishimni, ko‘p raqsga tushishimni yoki ayrim rollarda suratga tushishimni xohlamaydi. Hatto kiyinish uslubim bo‘yicha ham o‘z fikrini bildiradi”, — deydi aktrisa. Suhbat davomida u nabirasining ismi haqida ham fikr bildirdi. Aktrisa milliy ismlarni afzal ko‘rishini aytib, nabirasiga ota-onasi Milana deb ism qoʻygan boʻlsa-da, u doim Madinaxon deb chaqirishini aytib oʻtgan.
