Kino san’ati va fanlari akademiyasi yillik yig‘ilishida kelgusi yil uchun asosiy rejalarini e’lon qildi. Akademiyaning 2027-yil uchun byudjeti 187 million dollar etib belgilandi.
Byudjetning 23 foizi “Oskar” marosimi va u bilan bog‘liq tadbirlarga, 41 foizi esa xodimlar xarajatlariga yo‘naltiriladi. Akademiya daromad manbalarini kengaytirish uchun olib borayotgan kampaniya doirasida so‘nggi ikki yilda 308 million dollar mablag‘ jalb qilgan. Maqsad — 2028-yil oxirigacha bu ko‘rsatkichni 500 million dollarga yetkazish.
2029-yildan “Oskar” marosimi YouTube orqali namoyish etiladi. Marosim Hollivud’dagi Dolbi teatridan Los-Anjeles markazidagi 7 ming tomoshabinga mo‘ljallangan Peacock teatriga ko‘chiriladi. Akademiya marosim kelajakda dunyo bo‘ylab 2 milliardgacha tomoshabinni qamrab olishi mumkinligiga umid qilmoqda.
Yig‘ilishda sun’iy intellekt masalasi ham muhokama qilindi. Akademiya AI’ni inson ijodkorligining o‘rnini bosuvchi emas, unga xizmat qiluvchi vosita sifatida ko‘rishini bildirdi.
