“Forsaj” franshizasining “Forsaj: Abadiy” (Fast Forever) deb nomlangan yakuniy qismi uchun suratga olish ishlari dekabr oyida boshlanadi. Filmning xalqaro premyerasi 2028-yil 17-martga rejalashtirilgan.
Bosh rol ijrochisi Vin Dizelning aytishicha, film ssenariysi ustida to‘rt yil davomida ish olib borilgan. Yakuniy variantni Maykl Lesli yozgan. Dizel ssenariyni bir necha hafta oldin o‘qiganini va undan qattiq ta’sirlanib, yig‘laganini aytdi.
Avvalroq, aktyor filmni suratga olishga tayyorgarlik jarayonidan lavhalarni ham namoyish etgan edi. Endi esa loyiha suratga olish bosqichiga o‘tmoqda. Shu bilan birga, “Forsaj” olami asosida to‘rtta serial ustida ham ish olib borilmoqda. Ular Peacock platformasida namoyish etilishi rejalashtirilgan.
“Forsaj”ning ilk filmi 2001-yilda ekranlarga chiqqan. 25 yildan ortiq davr mobaynida davom etib kelayotgan franshiza endi o‘zining yakuniy filmiga yetib kelmoqda.
