15-mart kuni Los-Anjelesdagi “Dolby” teatrida “98-Oskar” mukofoti taqdirlash marosimi bo‘lib o‘tdi va unda yilning eng yaxshi filmlari, aktyor va aktrisalari hamda kino sanoatining boshqa yo‘nalishlarida erishilgan yutuqlar e’tirof etildi. Kechani mashhur komik Konan O’Brayen olib bordi.
“Jang ortidan jang” filmi “Eng yaxshi film” deb topilib, jami 5 ta nominatsiyada g‘olib bo‘ldi. “Gunohkorlar” filmi esa 16 ta nominatsiya bilan rekord o‘rnatdi. Bu film yil davomida kino tanqidchilari va tomoshabinlar e’tiborini tortgan eng ko‘p nomzodlik olgan asar sifatida tarixga kirdi.
Operator Otem Dyurald tarixda eng yaxshi operatorlik nominatsiyasida “Oskar” olgan ilk ayollardan biri bo‘ldi. Shuningdek, marosimda ilk bor “Eng yaxshi kasting” nominatsiyasida mukofot taqdim etildi. Bu kino ijodkorlari, xususan aktyorlarni tanlashdagi mehnat va ijodiy qarorlarni qadrlashga qaratilgan yangi yondashuvni namoyon etdi.
Asosiy g‘oliblar:
Eng yaxshi aktyor – Maykl B. Jordan (“Gunohkorlar”)
Eng yaxshi aktrisa– Jessi Bakli (“Hamnet”)
Eng yaxshi ikkinchi darajali aktyor – Shon Penn (“Jang ortidan jang”)
Eng yaxshi ikkinchi darajali aktrisa – Emi Medigan (“Qurol”)
Eng yaxshi rejissyor nominatsiyasida – Pol Tomas Anderson (“Jang ortidan jang”)
Boshqa nominatsiyalar bo‘yicha g‘oliblar:
Eng yaxshi xorijiy film – “Sentimental qadriyat”
Eng yaxshi hujjatli film – “Janob hech kim Putinga qarshi”.
Eng yaxshi animatsion film – “K-Pop jin ovchilari”
Eng yaxshi operatorlik ishi – Otem Dyurand (“Gunohkorlar”)
Eng yaxshi original ssenariy – “Gunohkorlar”
Eng yaxshi moslashtirilgan ssenariy – “Jang ortidan jang”
Eng yaxshi sahna dizayni – “Frankenshtein”
Eng yaxshi vizual effektlar – “Avatar: Olov va kul”
Eng yaxshi ovoz – “F1
Eng yaxshi original musiqa – Lyudvig Goransson (“Gunohkorlar”)
Eng yaxshi qo‘shiq – “Golden” (“K-Pop jin ovchilari”).
