Netflix’da yangi “Lord of the Flies” seriali namoyish qilinmoqda. Serial Uilyam Goldingning 1954-yilda yozilgan mashhur “Lord of the Flies” romani asosida sahnalshtirilgan bo’lib, uning ssenariysi britaniyalik ssenariynavis Jek Torn tomonidan yozilgan.
Asar voqealari samolyot halokatidan keyin kimsasiz orolda qolib ketgan bir guruh bolalar atrofida rivojlanadi. Ular dastlab tartib o‘rnatishga harakat qiladi, biroq vaqt o‘tishi bilan guruh ichida nizolar kuchayib, zo‘ravonlik va tartibsizlik yuzaga keladi.
Jek Tornning ta’kidlashicha, loyiha faqat insonning qorong‘i tomonlarini ko‘rsatishga qaratilmagan. Balki, insoniyat hamdard va yelkadosh bo‘lish, o‘zaro mehr-muruvvat ko‘rsatishga ham qodirdir.
Roman muallifi Uilyam Gold romanda bolalarning kattalarga taqlid qilishi va jamiyatdagi muhit ularning xulq-atvoriga qanday ta’sir ko‘rsatishini ochib bergan.
Kino kartina shafqatsizlikni emas, balki bolalarning bir-biriga mehr-oqibati va insoniylik jihatlarini keng yoritadi.
