Kendall Jenner va Jeykob Elordi o‘rtasidagi ishqiy munosabatlar haqidagi mish-mishlar yana kuchaydi. Ular “Coachella” doirasida Jastin Biber chiqishidan keyingi kechada birga ko‘ringan.
Amerikalik supermodel Kendall Jenner va avstraliyalik aktyor Jeykob Elordi (u “Frankenshtein” va “Bo‘ronli dovon” filmlaridagi rollari bilan tanilgan) “Coachella” festivalining birinchi dam olish kunlari birga ko‘rilgan. Bu yil festival 10–12 aprel va 17–19 aprel kunlari bo‘lib o‘tmoqda, an’anaviy joy — Indio shahri (Kaliforniya, AQSh).
Taxmin qilinayotgan juftlik o‘z his-tuyg‘ularini yashirmagan — ularni 11-aprel kechasi, Jastin Biberning konsertidan so‘ng bo‘lib o‘tgan kechada birga ko‘rishgan. Bu haqda mashhurlar haqidagi mish-mishlarni tarqatadigan DeuxMoi sahifasi xabar berdi.
“Bir nechta manbalar DeuxMoi’ga xabar berishicha, Jeykob Elordi va Kendall Jenner kecha Biber konsertidan keyingi kechada birga vaqt o‘tkazishgan va ‘bir-biridan bir qadam ham uzoqlashmagan’,” — deyiladi xabarda. Postga qisqa video ham ilova qilingan. Unda ehtimol 28 yoshli Elordi qora kepka, quyoshdan saqlovchi ko‘zoynak va ko‘k xudi kiygan holda ko‘ringan, uning yonida esa 30 yoshli Jenner bo‘lgan (olomon sababli faqat pushti kepkasi va yig‘ilgan sochi ko‘ringan). Ular VIP hududda turib, musiqa ohangiga mos harakat qilayotgan bo‘lgan.
Model va aktyorning tanishuvi Coachella’da emas, balki ancha oldin boshlangan. Daily Mail ma’lumotiga ko‘ra, ular kamida to‘rt yildan beri tanish. Ular ilk bor 2022-yil fevral oyida Parijda, Luka Sabbat va Dominik Fike bilan birga kechada ko‘rilgan.
Keyinchalik, 2024-yil sentabrda ular Bottega Veneta’ning bahor-yoz kolleksiyasi namoyishida ishtirok etishgan, biroq alohida o‘tirishgan. Joriy yil mart oyida esa ular Vanity Fair tomonidan tashkil etilgan “Oskar” munosabati bilan o‘tkazilgan kechada ham ko‘ringan. Guvohlarning aytishicha, Kendall va Jeykob faqat o‘zaro suhbatlashib, boshqalarga uncha e’tibor bermagan.
Qiziq tomoni shundaki, aktyor Kendallning singlisi — Kayli Jenner va uning sevgilisi Timoti Shalame bilan ham do‘st. Elordi ular bilan 2026-yilda o‘tkazilgan “Oltin Globus” va “Oskar” marosimlarida uchrashgan.
Jeykob Elordining oxirgi jiddiy munosabatlari bloger Olivia Jeyd bilan bo‘lgan. Ular 2021–2025 yillar oralig‘ida bir necha bor ajrashib-yarashgan, ammo oxir-oqibat butunlay ajrashishgan. Manbalarga ko‘ra, hozir aktyor e’tiborini asosan faoliyatiga qaratgan.
