Yangi “Uzuklar hukmdori” filmi haqida yangi ma’lumotlar paydo bo‘ldi, jumladan aktyorlar tarkibi ham kengaygani haqida Variety xabar berdi.
Jamie Dornan “Uzuklar hukmdori: Gollumni ovlash” filmida Aragorn rolini ijro etadi. U “Sevgining ellik ifori” filmlari orqali mashhur bo‘lgan. Filmda yana bir kutilmagan yangilik – Keyt Uinslet ham loyihaga qo‘shilgan. U Marigol obrazini o‘ynaydi.
Loyihaga eski aktyorlar ham qaytmoqda. Jumladan Endi Serkis yana Gollum roli uchun, Ien Makkelen Gandalf rolida, Elayja Vud esa Frodo Beggins rolida.
Oldinroq Aragorm rolini Leo Vudall ijro etishi haqida xabarlar tarqalgan edi. Ammo bu tasdiqlanmadi – u filmda Xalbarad rolini o‘ynaydi.
Yangi film voqealari “Hobbit” va “Uzuklar hukmdori”ning birinchi qismi orasida bo‘lib o‘tadi. Asosiy e’tibor esa Gollumni qidirsh hikoyasiga qaratiladi.
Premyera 2027-yil 17-dekabrga rejalashtirilgan.
