Rossiyalik supermodel Irina Sheyk shaxsiy hayoti va farzand tarbiyasi haqida juda kam gapiradi. Yaqinda u People nashriga bergan intervyusida qizi Leya qanday tarbiyalanayotgani va u uchun qanday cheklovlar qo‘yilgani haqida so‘zlab berdi.
Irinaning qizi 2017-yil mart oyida amerikalik aktyor Bredli Kuperdan tug‘ilgan. Mashhur ota-onalar uni ommaning ortiqcha e’tiboridan maksimal darajada himoya qilishga harakat qilgan.
Hozir Leya 8 yosh. Sheykning aytishicha, endi u ota-onasining mashhurligini, ularning ishlari qanday ekanini tushunadi. Shunga qaramay, model ham, Kuper ham qizining qulayligi va xavfsizligini ta’minlash uchun qo‘llaridan kelganini qilishadi.
Qizini tarbiyalash prinsiplari haqida gapirar ekan, Irina Sheyk gadjetlardan foydalanishga qo‘yilgan qat’iy cheklovlarni ochib berdi. “Uning raqamli texnologiyalarga juda, juda cheklangan kirish imkoni bor. Deyarli yo‘q,” — deya modelning so‘zlarini People keltiradi. Buning o‘rniga ota-onasi qizini do‘stlar, o‘yin va jonli muloqot orqali rivojlantirishga intiladi. Ularning fikricha, qiz uchun eng muhimi — mehr.
“Farzandingizga bera oladigan eng yaxshi narsa — mehr qo‘yilgan oilaviy tarbiya,”
— deydi Irina Sheyk.
Bredli Kuper va Irina Sheykning munosabatlari haqida ilk bor 2015-yilda ma’lum bo‘lgan. Ular rasmiy nikohda bo‘lmagan va 2019-yilda munosabatlari yakunlangan.
