Uchinchi mavsum Targaryenlar o‘rtasidagi fuqarolar urushi — “Ajdarlar raqsi” voqealarini davom ettiradi.
HBO House of the Dragon serialining uchinchi mavsumi uchun ilk tizerini e’lon qildi. Loyiha Jorj R. R. Martin qalamiga mansub “Olov va qon” (“Fire & Blood”) asari asosida suratga olingan.
Yangi mavsum Targaryenlar sulolasi ichidagi fuqarolar urushi — “Ajdarlar raqsi”ni tasvirlashda davom etadi. Syujet markazida temir taxt uchun keng ko‘lamli to‘qnashuvlar, “qoralar” va “yashillar” fraksiyalari o‘rtasidagi shiddatli janglar hamda Vesteros taqdirini o‘zgartiradigan muhim burilishlar turadi.
Uchinchi mavsumda asosiy aktyorlar tarkibi saqlanib qoladi:
— Mett Smit — Deymon Targaryen,
— Emma D’Arsi — Reynira Targaryen,
— Oliviya Kuk — Alisent Haytauer,
— Stiv Tussent — Korlis Velarion,
— Fabiyen Frankel — Kriston Koul,
— Tom Glin-Karni — Eygon II Targaryen,
— Evan Mitchell — Eymond Targaryen.
Yangi qismlar premyerasi iyun oyida HBO platformasida bo‘lib o‘tishi kutilmoqda.
