Ushbu xushxabarni aktrisaning turmush o‘rtog‘i o‘z ijtimoiy tarmog‘ida e’lon qildi. U pirat kemasi va bolalarning rasmlari tasvirlangan suratni joylab, shunday yozdi: “Kemeron va men uchinchi farzandimiz Nautas Medden tug‘ilganini xabar qilishdan juda xursandmiz. Xush kelibsan, o‘g‘lim!”
Shuningdek, u oilaviy hayotdan juda baxtli ekanliklarini ta’kidladi: “Farzandlarimiz sog‘lom va baxtli, buning uchun juda minnatdormiz”.
Eslatib o‘tamiz, Kemeron Dias va Benji Medden 2014-yilda do‘stlari orqali tanishgan. Ularning munosabatlari tez orada jiddiy tus olib, 2015-yil yanvar oyida Los-Anjelesda yopiq marosimda turmush qurishgan. Ular uzoq vaqt farzand ko‘rishga shoshilmay, sokin hayot tarzini tanlashgan. 2019-yilda qizlari Reddik tug‘ilgan, 2024-yilda esa ikkinchi farzandi o‘g‘li Kardinal dunyoga kelgan edi.
