Mashhur me’mor Antoni Gaudiga tegishli bo‘lgan yana bir bino rasman tasdiqlandi. Gap Kataloniya tog‘larida joylashgan eski Shaleni qishloq uylaridan biri haqida bormoqda. Bu bino XX asr boshlarda sanoatchi Eusebi Guelga qarashli zavod muhandislari uchun qurilgan. Gaudi avval ham Guel bilan ko‘p ishlagan va uning uchun turli loyihalarni amalga oshirgan.
Keyinchalik bino 1932-yilda shaleni La-Pobla-de-Lilyet shahriga topshirilgan, 1970-yilda bir muddat yozgi lager sifatida ishlatilgan. So‘ng qarovsiz holga kelib qolgan. Shalening dizayni Gaudiga xos uslubda bo‘lsa ham, u o‘z muallifligini rasman tasdiqlamagan. Taxminlarga ko‘ra, qurilish paytida loyihaga o‘zgartirishlar kiritilgani bunga sabab bo‘lgan.
Mutaxassislar fikricha, Gaudi bino chizmasini bergan, lekin o‘sha paytda boshqa yirik loyihalar bilan band bo‘lgani uchun qurilishda ishtirok etmagan. Qizig‘i shundaki, bu bino haqida Gaudiga tegishli degan ma’lumotlar ancha oldin 1946-yilda paydo bo‘lgan, ammo rasmiy tasdiq faqat yaqinda berildi.
Endilikda ushbu obyektni 2026-yil yozida ochish rejalashtirilgan. Bu tadbirlar Gaudining vafotiga 100 yil to‘lishi munosabati bilan o‘tkaziladi.
