Emili Blant ijtimoiy tarmoqlarda xeytga uchradi. Bunga sabab uning muxlislarga bergan maslahati bo‘ldi.
“Qattiqqo‘l xonim” filmi yulduzi Betches nashriga bergan intervyusida o‘z ishidan norozi bo‘lgan ayollarga shunday maslahat berdi: avvaliga u pas ovozda “Ishni tashlash….” dedi, keyin kulib, “Shunchaki, o‘zingiz chin dildan xohlaydigan ishni toping” deya qo‘shimcha qildi. Aktrisa shuningdek, “Agar siz daromad qilmasangiz ham, lekin ishingizni sevsangiz, baribir baxtli bo‘lasiz” degan fikrni ham bildirdi.
Biroq muxlislari bu gaplarni yaxshi qabul qilishmadi. Ko‘pchilikning fikricha, taxminan 80 million dollarlik boylikka ega inson uchun bunday maslahat berish oson, chunki u moliyaviy muammolar haqida qayg‘urmaydi.
Shu sababli aktrisa ijtimoiy tarmoqlarda tanqidlar markazida qolib ketdi.
