Turkiyaning yangi mavsumdagi eng kutilayotgan loyihalaridan biri — “Quyosh chiqadigan joy”. Hali suratga olish ishlari boshlanmasdan turib serial muhokamalar markazidan joy oldi. Bunga bosh rol ijrochisining kutilmaganda almashgani sabab bo‘ldi.
Dastlab serialning bosh qahramoni roliga Ug‘ur Gunesh tasdiqlangan edi. Biroq keyinchalik aktyor loyiha tarkibini tark etdi va uning o‘rnini Burak O‘zchivit egalladi. Jurnalist Birsen Altuntashning yozishicha, Burak O‘zchivit ssenariy bilan tanishganidan so‘ng aynan ushbu rolni ijro etish istagini bildirgan. Ayrim manbalarga ko‘ra, shundan keyin Ug‘ur Gunesh loyiha tarkibidan chiqarilgan.
Hozircha mojaro yuzasidan serial ijodkorlari ham, Burak O‘zchivit ham rasmiy izoh bermagan. Shunga qaramay, Ug‘ur Gunesh ijtimoiy tarmoqlarda birovning haqqi va adolat haqida kinoyali postlar joylashtirdi.
Aktyor hech kimning nomini tilga olmagan bo‘lsa-da, muxlislar bu xabarlarni Burak O‘zchivitga ishora sifatida qabul qilmoqda.
