BTS a’zosi Jin va teleboshlovchi Paek Chon Von asos solgan JINI’s LAMP kompaniyasi mahsulot markirovkasini buzganlikda ayblanmoqda.
Shikoyatchi kompaniyaning IGIN highball ichimliklarida ba’zi ingredientlar — masalan, AQSh tarvuz konsentrati va Chili olxo‘ri konsentrati — aslida import qilingan bo‘lsa-da, yorliqlarda “mahalliy” sifatida ko‘rsatilganini ma’lum qildi.
NAQS tekshiruv boshlaganini tasdiqlab, qonunbuzarlik aniqlansa ish sudga yuborilishini va jarima yoki jinoiy javobgarlik bo‘lishi mumkinligini bildirdi.
Koreya qonunlariga ko‘ra, mahsulotni “mahalliy” deb belgilash faqat barcha asosiy ingredientlar mamlakatda ishlab chiqarilganda mumkin. Qonun buzilishi uchun 100 mln von ($75,5 ming) jarima yoki 7 yilgacha qamoq jazosi nazarda tutilgan.
Hozircha kompaniya faqat “masala ko‘rib chiqilmoqda” deya qisqa izoh berdi. Shu bois, JINI’s LAMP va uning taniqli asoschilari jiddiy obro‘ xavfiga duch kelmoqda.
