Mashhur aktyorlar Arnold Shvartsenegger va Liam Hemsvort yangi “The Kellys” (“Kellilar) nomli jangari filmda bosh rollarni ijro etadi. Loyiha huquqlarini Amazon MGM Studios qo‘lga kiritgan bo‘lib, film keyinchalik Prime Video platformasida namoyish etilishi kutilmoqda.
Film rejissyori sifatida Bred Peyton ish olib boradi. U avval “Rempeyj”, “San Andreas” va “Atlas” kabi yirik loyihalarni suratga olgan.
Syujet markazida sobiq politsiyachi Jek Kelli turadi. Uning rafiqasi terrorchilar tomonidan garovga olinadi va qahramon uni qutqarish uchun o‘zi eng kam ishonadigan odamlar — o‘z oilasi bilan birlashishga majbur bo‘ladi. Film oilaviy mojarolar, keskin harakatlar va qutqaruv operatsiyalarini birlashtirgan triller sifatida taqdim etilmoqda.
Hozircha filmning chiqish sanasi e’lon qilinmagan. Biroq Arnold Shvartsenegger va Liam Hemsvortning bir loyihada uchrashuvi hamda Amazon MGM Studios’ning ishtiroki “The Kellys”ni 2026-yilning eng kutilayotgan jangari filmlaridan biriga aylantirmoqda.
