Adidas 2026-yilgi futbol bo‘yicha Jahon chempionatiga bag‘ishlangan “Backyard Legends” (“Hovli afsonalari”) nomli qisqa metrajli filmni taqdim etdi.
Rolikdagi bosh qahramonni Timoti Shalame ijro etgan. Syujetga ko‘ra, uning qahramoni mag‘lubiyat nimaligini bilmaydigan hovli jamoasini yengish uchun futbolchilar Jud Bellingem, Lamin Yamal va Trinity Rodmanni bir jamoaga to‘playdi.
Reklama roligida shuningdek Lionel Messi, Rafin, Pedri, Florian Vins, Usman Dembele, Santiyago Ximenes hamda Bed Banni ham suratga tushgan. Videoda Zidan, Alessandro Del Pyero va David Bekhem obrazlari ham namoyon bo‘ladi.
Rolik rejissyori avstraliyalik Mark Molloy bo‘ldi.
“Bolaligimda shu futbolchilar bilan raqobatlashishni orzu qilardim. Men ‘Piyer 40’da futbol o‘ynab, Bekhemning jarima zarbalari, Del Pyeroning gollari va Zidanning harakatlarini takrorlashga urinardim. Futbolni juda yaxshi ko‘raman, shu sabab Adidas bilan bunday loyiha ustida ishlash men uchun ajoyib tajriba bo‘ldi”, — dedi Shalame. 2026-yilgi futbol bo‘yicha jahon chempionati 11-iyundan 19-iyulgacha bo‘lib o‘tadi. Turnir tarixda ilk bor birdaniga uch davlat — AQSH, Kanada va Meksika mezbonligida tashkil etiladi.
