2003-yilda Doktor Syuzening kitobi asosida suratga olingan filmda Mayk Mayers ijro etgan “Shlyapa kiygan mushuk” kostyumi Propstore auksioniga qo‘yildi. Savdolar 26-avgust kuni bo‘lib o‘tadi.
To‘plamga qizil-oq fetr silindr shlyapa (“R 3” belgisi bilan), spandeksdan tikilgan mo‘ynali kombinezon (“Mike Myers №1” yozuvi bilan), poliester bantli rezina niqob va bir juft qo‘lqop kiradi. Kostyumda suratga olish jarayonidan qolgan izlar saqlanib qolgan bo‘lib, niqobning yuz qismida kir izlari bor, sun’iy mo‘yna esa ayrim joylarda g‘ijimlangan. Ularning taxminiy qiymati 12–24 ming dollar, boshlang‘ich narxi esa 6 ming dollarni tashkil etadi.
Shuningdek, 26-avgust kuni auksionga Kventin Tarantinoning “Jinoiy asar” filmida Uma Turman kiygan oq ko‘ylak va keng shim ham qo‘yiladi. Ushbu auksiondagi buyumlar 15–30 ming dollarga baholanmoqda.
