Lionsgate “Naruto” mangasining badiiy film adaptatsiyasini 2027-yilning birinchi yarmida suratga olishni boshlashni rejalashtirmoqda. Bu haqda The Hollywood Reporter xabar berdi.
Ayni paytda film uchun xalqaro kasting davom etmoqda. Asosiy e’tibor Naruto, Sasuke va Sakura kabi 7-jamoa a’zolari rollariga aktyorlarni tanlashga qaratilgan.
Film rejissyori va ssenariy muallifi “O‘rgimchak odam: Yangi kun” film bilan tanilgan Destin Daniel Kretton. Kretton filmda Narutoning jamiyatdan chetda qolgan boladan haqiqiy qahramonga aylanish jarayonini ko‘rsatishni istayotganini aytgan.
1999–2014-yillarda nashr etilgan “Naruto” mangasi dunyo bo‘ylab 250 milliondan ortiq nusxada sotilgan va tarixdagi eng mashhur yapon franshizalaridan biriga aylangan. Filmning premyera sanasi hozircha noma’lum.
