Sony va Marvel studiyalarining “O‘rgimchak odam: Yangi kun” filmi ilk dam olish kunidayoq AQSh kinoteatrlarida 355 million dollar daromad yig‘ib, mamlakat boks-ofisi tarixidagi ikkinchi eng yirik debyutni qayd etdi. Kartina xalqaro prokatda ham muvaffaqiyat qozonib, 573 million dollar ishlab topdi. Shu tariqa u yaqin kunlarda 1 milliard dollarlik marrani zabt etishi kutilmoqda. Shuningdek, film tanqidchilar tomonidan ham iliq kutib olinib, Rotten Tomatoes saytida 90 foiz ijobiy bahoga, CinemaScore so‘rovlarida esa “A” reytingiga sazovor bo‘ldi.
Mutaxassislar ushbu natijani Marvel kino olamining so‘nggi yillardagi eng yirik muvaffaqiyatlaridan biri sifatida baholamoqda.
