Mashhur “Lilo va Stich” franshizasi kengayishda davom etmoqda. Filmning ikkinchi qismi ustida ishlar olib borilayotgan bir paytda, ijodkorlar tomoshabinlar uchun yana bir yangi loyiha — animatsion qisqa metrajli filmni tayyorlamoqda. Variety nashri xabariga ko‘ra, loyiha “Lilo va Scratch” deb nomlanadi. Rejissyor Faun Virasuntornning aytishicha, bu so‘nggi besh yil ichida aynan kinoteatrlarda namoyish etish uchun suratga olingan ilk yangi qisqa metrajli animatsion film bo‘ladi. Yangi filmda Stichning hayotidagi navbatdagi sarguzashtlar aks etadi. Voqealar Lilo uyiga mushuk olib kelganidan so‘ng boshlanadi. Stich esa yangi “uy a’zosi” bilan til topishishga harakat qiladi.
Muxlislar uchun yana bir xushxabar shundaki, Stichga ovoz berib kelayotgan Kris Sanders bu safar ham o‘z qahramoniga ovoz beradi. Biroq Liloga ovoz bergan aktrisa Deyvi Cheyz 18-iyun kuni 35 yoshida vafot etgandi. Shu bois Liloga kim ovoz berishi haqida ma’lumot berilmagan. Qisqa metrajli filmning premyera sanasi hozircha oshkor etilmagan.
Eslatib o‘tamiz, 2025-yilda ekranlarga chiqqan “Lilo va Stich” filmi katta muvaffaqiyat qozonib, yilning eng ko‘p daromad keltirgan filmlaridan biriga aylangandi.
