Tarmoqda amerikalik artist Oliver Trining o‘limi haqidagi nazariya tobora ko‘proq muhokama qilinmoqda. Foydalanuvchilar xonanda va uning do‘stining aviahalokatda halok bo‘lgani haqidagi xabar sahnalashtirilgan bo‘lishi mumkin degan taxminlarni ilgari surishmoqda.
Shubhalar Oliver Trining gastrol jadvali sabab paydo bo‘ldi. 6-iyundagi konsertdan keyin deyarli bir oylik tanaffus kuzatiladi — navbatdagi chiqishi faqat 1-iyul kuni Lissabonda rejalashtirilgan edi. Muxlislar xonandaning shoudan bir necha kun oldin, ehtimol o‘z tug‘ilgan kuni — 29-iyunda “kutilmagan qaytishi” mumkinligini taxmin qilmoqda. Bunday “qayta tug‘ilish” Oliver Trining absurd va qora yumorga boy ijodiy uslubiga mos kelishi aytilmoqda. Soxta o‘lim haqidagi taxminlarga san’atkorlarning ijodi ham sabab bo‘lgan. Ikkalasi ham ko‘pincha vertolyotlar, qabr gullari va avariyalarga ishora qilgan, Oliverning kliplarida esa o‘lim mavzusi tez-tez uchrab turadi. Braziliyaning “CNN Brasil” nashri xabariga ko‘ra, Oliver Tri 14-iyun kuni ikki vertolyot to‘qnashuvi oqibatida yuz bergan aviahalokatda halok bo‘lgan. Xonanda 32 yoshda edi. U “Life Goes On”, “Hurt”, “When I’m Down” va ayniqsa mashhurlikka erishgan “Miss You” qo‘shiqlari bilan tanilgan.
