Kim Kardashyan sobiq turmush o‘rtog‘i Kanye Uestning “bu yil o‘g‘lim Sentni ko‘rmadim” degan hayratlanarli da’vosiga javob qaytardi.
47 yoshli reper Kanye Uest o‘zining X sahifasida bu yil to‘qqiz yoshli o‘g‘li Sentni ko‘rmaganini yozdi. U farzandini sobiq rafiqasi Kim Kardashyan bilan birga tarbiyalaydi. Biroq ular yanvar oyida birga suratga tushishgan — ya’ni bu da’vo haqiqatga zid.
Uest postida shunday yozdi: “BU YIL SENTNI KO‘RGANIM YO‘Q”. Bu post muxlislar orasida bahs-munozaralarga sabab bo‘ldi. Ba’zilar Kimni ayblasa, boshqalar Kanyedan o‘g‘lini uzoqda tutgani uchun maqtashdi.
Kim Kardashyan va Kanye Uestning boshqa farzandlari ham bor: 11 yoshli Nort, 6 yoshli Chikago va 5 yoshli Psalm. Ular 2014-yildan 2022-yilgacha bir oila bo‘lishgan.
Kanye ilgari ham Kimni bolalarini ko‘rishiga yo‘l qo‘ymayotganlikda ayblagan. Biroq DailyMail.com tasdiqlashicha, u o‘tgan haftada Sent, Chikago va Psalm bilan uchrashgan.
Kimga yaqin manba DailyMail.comga shunday dedi:
“Kanye so‘nggi oylarda Los-Anjelesda edi, lekin faqat Nort bilan ko‘rishmoqchi bo‘ldi. Qolgan bolalarini ko‘rishni esa ketishidan bir hafta oldin xohladi. U istagan payt bolalarini ko‘rishi mumkin, hech qanday cheklov yo‘q. Ammo Kim bolalarini asrash maqsadida ehtiyotkorlik bilan harakat qiladi. U uchun bolalaruni himoya qilish uning eng muhim vazifasi.”
Uest avval ham:
“BOLALARIMNI MENDAN TORTIB OLISHDI VA HAMMA BUNI JIM TOMOSHA QILYAPTI.”
“BOLALARIM BILAN MUNOSABATDA HUQUQLARIMNI QANDAY HIMOYA QILOLISH BO‘YICHA YORDAMGA MUHTOJMAN” deb yozgan.
Yanvar oyida Kanye uzoq — taxminan 118 kunlik ayriliqdan so‘ng bolalari bilan uchrashib suratga tushgan. U so‘nggi olti oyda asosan avstraliyalik rafiqasi, 30 yoshli Byanka Sensori bilan safarlarda bo‘lgan.DailyMail.com eksklyuziv surat va videolarida Kanye Yaponiyaning Tokio shahri, Ginzadagi 7-Eleven do‘konida Sent, Chikago va Psalm bilan birga ko‘ringan.
