Turkiyalik aktyorlar Halit Ergench va Meryem Uzerli “Imrozda bahor” filmining jahon premyerasi munosabati bilan Misrda o‘tkazilayotgan El-Guna kinofestivalining qizil yo‘lagida ko‘rinish berdi.
Premyera oldidan aktyorlar xalqaro OAV vakillariga intervyular berdi. Halit Ergench tadbirga Dolce & Gabbana brendining boshdan oyoq libosida tashrif buyurdi.
Meryem Uzerli esa livanlik dizaynerlar Xolid va Marvan tomonidan aynan shu tadbir uchun 25 kun davomida qo‘l mehnati bilan tayyorlangan libosni tanladi. Aktrisa obrazini Glamour Signature taqinchoqlari bilan to‘ldirdi.
Film festival doirasida 1 000 o‘rinli zalda namoyish etildi. Meryem Uzerli va Halit Ergench film ijodkorlari bilan birgalikda premyerada qatnashib, kartinani ilk bor El-Guna tomoshabinlariga taqdim etdi.
