Gvinet Peltrou yillar davomida sog‘lom ovqatlanishga haddan ortiq berilib ketganidan so‘ng, nihoyat qat’iy dietadan voz kechayotganini ma’lum qildi. U non, pishloq va makaron mahsulotlarini uzoq vaqt davomida o‘zidan cheklab kelgan.
52 yoshli aktrisa va hozirda sog‘lom turmush tarzi bo‘yicha mutaxassis sifatida tanilgan Peltrou 2008-yilda o‘zining “GOOP” nomli sog‘lom turmush tarzi kompaniyasiga asos solgan edi. Endilikda u “bu tosh davridagi dietasidan charchadim” deb tan oldi.
So‘nggi yillarda Gvinetning kundalik ovqatlanishi ertalab faqat qahva, tushlikda ilik sho‘rva va kechki ovqatga sabzavotlardan iborat bo‘lgan.
Paleodieta – zamonaviy ovqatlarni butunlay chiqarib tashlab, qadimgi ajdodlarimiz iste’mol qilgan mahsulotlarni iste’mol qilishdir.
Bu dieta go‘sht, sabzavot, yong‘oq va oz miqdorda mevalarni tashkil qiladi, lekin don mahsulotlari, dukkaklilar, sut mahsulotlari, tuz, oq shakar va qayta ishlangan yog‘larni butunlay cheklaydi.
Ushbu dietani tutganlar vazn yo‘qotish, ishtahaning kamayishi va ko‘proq energiyaga ega bo‘lish kabi foydalarni his qilishganini aytishadi. Ammo uning haqiqiy ta’siri bo‘yicha hali yetarlicha ilmiy tadqiqotlar o‘tkazilmagan.
